Fræðslusjóður

Með aðild sinni að Drífandi stéttarfélagi eiga félagsmenn einnig aðild að þeim starfsmenntasjóðum sem samið hefur verið um í kjarasamningum. Félagið sér um umsýslu fyrir alla sjóðina og afgreiðir styrki til félagsmanna úr þeim.

Markmið starfsmenntasjóðanna er að auðvelda félagsmönnum fjárhagslega að stunda sí- og endurmenntun. Félagsmenn geta sótt um endurgreiðslu hjá félaginu vegna náms af ýmsu tagi, hvort sem er vegna styttri námskeiða, framhaldsnáms, háskólanáms og í sumum tilvikum einnig tómstundanáms.

Aðild félagsmanna að starfsmenntasjóðum er eftirfarandi:
– LANDSMENNT – verkafólk á almenna markaðnum.
– RÍKISMENNT- félagsmenn er starfa hjá Ríkinu.
– SVEITAMENNT – félagsmenn er starfa hjá sveitarfélögum.

Námsstyrkir

Meirapróf og bílpróf flokkast undir starfstengt nám

Tómstundanámskeið – kr. 30.000
– hámark 80% af námskeiðskostnaði á ári

Starfstengt nám – kr. 130.000
– hámark 80% af námskostnaði á ári

Starfstengt nám – kr. 390.000
– ef rétturinn hefur ekki verið notaður í þrjú ár, hámark 80% af kostnaði